قصة عن المهن والحرف مكتوبة بموقعكم (بالعربي نتعلم ) نفسك تطلع إيه من حواديت أبلة فضيلة الممتعة
دايما ازرع في طفلك حب الطموح والسعي لتحقيق حلمه منذ الصغر وتحديد هدفه الذي يسعى لتحقيقه .
في قصة عن المهن والحرف مكتوبة للاطفال … وسؤال نفسك تطلع إيه في قصة آبلة فضيلة وحواديتها الشيقة .
قصة عن المهن والحرف مكتوبة :: نفسك تطلع إيه
حبايبي الحلوين … وكانت نجوى قاعدة بتسمع أغنية كرتون للأطفال بالتلفاز .
سكتت شوية وسألت أخيها مروان : ياترى نفسك تطلع إيه لمّا تكبر ؟
فكر شوية مروان وفكر شوية كمان ويقول : أطلع إيه .. أطلع إيه ؟
وقال : نفسي أطلع دكتور مشهور … وأنتِ يانجوى نفسك تطلعي إيه ؟
ردت نجوى : في كل شارع دكتور واتنين ..وممكن في مبنى واحد دستة دكاترة وأكتر.
قال مروان : تقصدي إيه يانجوى بكلامك ده ؟
قالت نجوى : أنا شايفة دكاترة كتيير موجودين ومشهورين، وفين وفين لمّا أكبر وأبقى دكتورة كبيرة مشهورة ومتميزة زيهم .
احتار مروان في كلام أخته نجوى
ورجع يسألها : يعني نفسك تكوني مهندسة ولا مدرسة ؟
محامية ولا صحفية .
قالت نجوى : افتكرت يامروان كانت ماما طلبت منك تروح للسباك ياترى عملت إيه ؟
مروان : رحت وسألني السباك عايز إيه ؟
قلتله : الحنفية بتنقط .. من فضلك تعال معايا علشان تصلحها
♥ اقرأ أيضًا : وسائل تعليمية عن اصحاب المهن وادواتهم للاطفال
سباكة المنازل
رد السباك وقال : أنا مشغول جدًّا ومش فاضي .
سألته : ياترى إيه الوقت اللي يناسبك تكون فضيت .
رد السباك بضحكة ساخرة : الساعة 6 زي النهاردة السنة الجاية إن شاء الله.
ضحكت نجوى وقالت لمروان : معقول الساعة 6 زي النهاردة السنة اللي جاية ؟! فزورة دي ولا إيه ؟
رد عليها مروان : إحنا في الحنفية اللي بتنقط ليل نهار، وحرام علينا نسيب المياه كده .
ردت نجوى : أه صحيح عندك حق يامروان … وليه مادورتش على سباك تاني ؟
رد مروان : للأسف مفيش سباكين تانيين .
حلوين … حبايبي الصغيرين سامعين مفيش سباكين تانيين !
وبلدنا مليانة دكاترة ومهندسين ومحامين ومدرسين وتجار وبياعين وجزارين وبقالين ….
ونيجي ندور على سباك علشان يصلّح الحنفية ونوفر المياه مانلاقيش !
ردّت نجوى بحماس وقالت : أنا جاتلي فكرة !
مروان : ياترى إيه هيّ؟
نجوى : أنا وأنت نصلح الحنفية .
مروان : نصلّح الحنفية إزااااي ؟
نجوى : أنا شوفت قبل كده السباك وهو بيصلح الحنفية، أول مابدأ قفل محبس المياه .
بعدها فتح الحنفية على الآخر .
♥اقرأ أيضًا : لعبة بازل أصحاب المهن للطباعة للأطفال
تعلم السباكة بنفسك
بس محتاجين جلدة جديدة للحنفية
مروان : بسيطة ..هنزل أشتريها
حبايبي الحلوين نزل مروان يشتري جلدة جديدة للحنفية زي ماقالت نجوى .
ونجوى علمته وفهمته إزاي يصلح الحنفية بالصدفة كان عندهم مفتاح 7
نجوى : امسك يامروان افتح قلب الحنفية بمفتاح 7
مروان : مسك المفتاح وثبته حول رأي الحنفية ولما حرك المفتاح من الشمال لليمين طلع رأس الحنفية لفوق
وقدر يخرجه
وسأل نجوى : وبعد كده أعمل إيه ؟
نجوى : في مسمار لجوة شدها لبرة شيل منه الجلدة القديمة وركب الجديدة.
ادوات السباكة
وبالفعل قدرت نجوى ومروان يصلحوا الحنفية بأدوات السباك جلدة ومفتاح 7 وبكده
صلحوا الحنفية ووفروا المياه ومااستنوش ميعاد السنة الجاية .
حبايبي الحلوين : نجوى بنت شاطرة وذكية وقوية الملاحظة قدرت تصلح الحنفية وتوفر المياه، اول ماتشوف حد بيصلح حاجة تركز معاه
قال مروان : إيه رأيك يانجوى إحنا دلوقتي صغيرين نتعلم ونجتهد ولما نكبر نشوف البلد محتاجة إيه ؟
دكاترة ولامهندسين، لصنايعية ولا فلاحين، لأي مهنة شريفةتبقى الحياة حلوة ولطيفة أهم شيء نقرأ ونتعلم ونكون مثقفين .
♥اقرأ أيضًا :رسومات تلوين للاطفال عن المهن والحرف :: بطاقات تعليمية بالانجليزية
نفسك تطلع ايه
حلوين … ولما نجوى تكون دكتورة ومروان مهندس وصفية محامية وأسامة مدرس
مين هيزرع لينا القمح علشان لقمتنا، ومين فينا هيغزل لينا القطن علشان كسوتنا، ومين فين هيصنع
لينا أدوات مطبخنا وبيتنا، والمدفع والطيارة علشان نحمي بلدنا وحريتنا ونعيش في أمان وسلامن
وبلدنا بإيد عمالها يكتر خيرها ومالها، وهتمشي وتجري دايما لقدام.
فبناء ونهضة الأمم نسيج واحد من الأطباء والمهندسين والعمال والفلاحين وجميعهم في حياتنا أساسيين.
♥ احك لابنك : قصة قصيرة عن المهن للاطفال :: قصة صناع الحياة
عزيزي المربي ….
القصة أفضل وسيلة للتربية والتقويم .. لتعليم الطفل السلوكيات الصحيحة وتعزيز السلوك الإيجابي والتخلص من السلوكيات الخاطئة.
اقرأ لطفلك وعلمه حب القراءة مع أكثر من 300 قصة عربية مصورة وقصص اطفال جديدة هادفة بتطبيق حكايات بالعربي
حمل تطبيق حكايات بالعربي من هنا:
